காவி நிறம் - ஞானம் அடைய வேண்டி இருக்கக்கூடிய சித்த வைராக்கியத்தை குறிப்பதாகும். சித்த வைராக்கியத்தில் புனிதம், நற்பண்பு, ஞானநிலை மற்றும் தன்னலமற்ற சேவைகள் ஒருங்கே அடங்கும்.

​

மஞ்சள் (கால் பங்கு) வெள்ளை (முக்கால் பங்கு) நிறம் - வள்ளலார் நிறுவிய சன்மார்க்க கொடியினை குறிக்கும். ஆன்மாவானது கால் பங்கு மஞ்சளும் முக்கால் பங்கு வெண்மையும் கலந்த நிறம் என வள்ளலாரின் திருவாக்கிலிருந்து அறிந்து கொள்கிறோம். ஆக, சனாதன தர்ம கொள்கை மற்றும் அதன் தத்துவ விளக்கங்களை அடிப்படையாகக் கொண்ட சித்த வைராக்கியத்துடன் செயல்படுவதுமில்லாமல் ஞானம் அடையச் சன்மார்க்க விதிகளைச் சிரம் மேற்கொள்ள வேண்டும். கொடி என்றால் என்ன? கொடி என்றால் உயிர் காற்று என்பதாகும். உயிர் காற்று இயங்காமல் இருக்கக் கொடி கட்டிக் கொண்டார் வள்ளலார். உயிர் இயங்க பிராணவாயு என்னும் காற்று வேண்டும். இந்த உலகில் பிராணவாயு என்னும் காற்று இல்லை என்றால் உயிர் இயங்காது. அந்தப் பிராணவாயுவை நிறுத்தி அமுதம் என்னும் அமுதக் காற்றைச் சுவாசிக்க ஆரம்பித்து விட்டார் வள்ளலார்.